sadā-bahār ho tum aur merī qismat ho

koī bahār na thī is bahār se pahle

sada-bahaar ho tum aur meri qismat ho

koi bahaar na thi is bahaar se pahle

mirī umr-e-guzishta kī haqīqat pūchhne vaalo

mujhe vo umr umr-e-rā.egāñ mālūm hotī hai

meri umr-e-guzishta ki haqiqat puchhne walo

mujhe wo umr umr-e-raegan malum hoti hai

miTā miTā sā tasavvur hai naaz maazī kā

hayāt-e-nau hai ab is umr-e-rā.egāñ se gurez

miTa miTa sa tasawwur hai naz mazi ka

hayat-e-nau hai ab is umr-e-raegan se gurez

ḳhalvat-e-nāz meñ kuchh aur hī raunaq hotī

koī ḳhalvat meñ agar anjuman-ārā hotā

KHalwat-e-naz mein kuchh aur hi raunaq hoti

koi KHalwat mein agar anjuman-ara hota

qasam ḳhudā kī ye vāraftagī na thī mujh meñ

kisī ke ishq-e-salīqa-shi.ār se pahle

qasam KHuda ki ye waraftagi na thi mujh mein

kisi ke ishq-e-saliqa-shiar se pahle