نیلما ناہید درانی کی شاعری

نیلما ناہید درانی کے اشعار

عورت اپنا آپ بچائے تب بھی مجرم ہوتی ہے

عورت اپنا آپ گنوائے تب بھی مجرم ہوتی ہے

کوئی تو آئے خزاں میں پتے اگانے والا

گلوں کی خوشبو کو قید کرنا کوئی تو سیکھے

شبنم تمہارے صحن میں روئی تمام رات

لیکن ہر ایک پھول کا چہرہ نکھر گیا

میں نے سورج چاند ستارے تیرے نام لکھے ہیں

جگ میں جتنے پھول ہیں سارے تیرے نام لکھے ہیں

محبت کی ہمیں فرصت نہیں تھی

جمال یار نے چونکا دیا تھا

ہم اپنے آپ میں گم جا رہے تھے

کسی گفتار نے چونکا دیا تھا