عبید اللہ صدیقی کی شاعری

عبید اللہ صدیقی کے اشعار

اسی فلک سے اترتا ہے یہ اندھیرا بھی

یہ روشنی بھی اسی آسماں سے آتی ہے

یہ کس کا چہرہ دمکتا ہے میری آنکھوں میں

یہ کس کی یاد مجھے کہکشاں سے آتی ہے

شام ہوتی ہے تو میرا ہی فسانہ اکثر

وہ جو ٹوٹا ہوا تارا ہے سناتا ہے مجھے

پہلے چنگاری سے اک شعلہ بناتا ہے مجھے

پھر وہی تیز ہواؤں سے ڈراتا ہے مجھے

زندگی اک خواب ہے یہ خواب کی تعبیر ہے

حلقۂ گیسوئے دنیا پاؤں کی زنجیر ہے

یہ آنکھیں یہ دماغ یہ زخموں کا گھر بدن

سب محو خواب ہیں دل بے تاب کے سوا