vaqt achchhā zarūr aatā hai

par kabhī vaqt par nahīñ aatā

waqt achchha zarur aata hai

par kabhi waqt par nahin aata

itnā be-āsrā nahīñ huuñ maiñ

aadmī huuñ ḳhudā nahīñ huuñ maiñ

itna be-asra nahin hun main

aadmi hun KHuda nahin hun main

merī fitrat hī meñ shāmil hai mohabbat karnā

aur fitrat kabhī tabdīl nahīñ ho saktī

meri fitrat hi mein shamil hai mohabbat karna

aur fitrat kabhi tabdil nahin ho sakti

'sāhir' ye merā dīda-e-giryāñ hai aur maiñ

sahrā meñ koī dūsrā jharnā to hai nahīñ

'sahir' ye mera dida-e-giryan hai aur main

sahra mein koi dusra jharna to hai nahin

pūchhā thā maiñ ne jab use kyā mujh se ishq hai?

us ko mire savāl pe hairat nahīñ huī

puchha tha main ne jab use kya mujh se ishq hai?

us ko mere sawal pe hairat nahin hui

bas ek dhyān kī maiñ uñglī thaam rakhī hai

ki bhiiḌ meñ kahīñ ḳhud se judā na ho jā.ūñ

bas ek dhyan ki main ungli tham rakhi hai

ki bhiD mein kahin KHud se juda na ho jaun