vo jo pahlā thā apnā ishq vahī

āḳhirī vārdāt thī dil kī

wo jo pahla tha apna ishq wahi

aaKHiri wardat thi dil ki

vo kis kā hai is se kyā lenā denā

ba.az dafa kaafī hai us kā honā bhī

wo kis ka hai is se kya lena dena

baz dafa kafi hai us ka hona bhi

ek isī baat kā thā Dar us ko

mujh meñ inkār kī bhī himmat thī

ek isi baat ka tha Dar us ko

mujh mein inkar ki bhi himmat thi

chalte chalte aksar ruk kar sochā bhī

kyā manzil par yaad rahegā rastā bhī

chalte chalte aksar ruk kar socha bhi

kya manzil par yaad rahega rasta bhi

qatl karnā to is ko Thiik nahīñ

ishq kī maut hādse meñ ho

qatl karna to is ko Thik nahin

ishq ki maut hadse mein ho

us kī bechainī baḌhānā chāhtī huuñ

suniye kah kar chup lagānā chāhtī huuñ

us ki bechaini baDhana chahti hun

suniye kah kar chup lagana chahti hun