ḳhud tiis kā hai aur dulhan saaTh baras kī

girtī huī dīvār ke saa.e meñ khaḌā hai

KHud tis ka hai aur dulhan saTh baras ki

girti hui diwar ke sae mein khaDa hai

be-vaqūfī ke anokhe kārnāme dekh kar

achchhe-ḳhāse leaderoñ ko bhī gadhā kahnā paḌā

be-waqufi ke anokhe karname dekh kar

achchhe-KHase leaderon ko bhi gadha kahna paDa

apnī shohrat kī alag raah nikālī ham ne

kisī dīvāñ se ġhazal koī churā lī ham ne

apni shohrat ki alag rah nikali hum ne

kisi diwan se ghazal koi chura li hum ne

tumhīñ batāo gale-bāz shā.eroñ ke baġhair

agar huā bhī to kaisā mushā.era hogā

tumhin batao gale-baz shaeron ke baghair

agar hua bhi to kaisa mushaera hoga

kulliyāt-e-'mīr'-o-'ġhālib' se ġhazal laayā thā maiñ

aaj vo bhī chhap na paa.ī aap ke aḳhbār meñ!

kulliyat-e-'mir'-o-'ghaalib' se ghazal laya tha main

aaj wo bhi chhap na pai aap ke aKHbar mein!

netā kā da.avā sun ke maiñ ye sochne lagā

qurbānī kankaTe kī to yaaro harām hai

neta ka dawa sun ke main ye sochne laga

qurbani kankaTe ki to yaro haram hai

jo bad-nasībī se kal ko mulāzmat na rahī

shikam kā apne sahārā mushā.era hogā

jo bad-nasibi se kal ko mulazmat na rahi

shikam ka apne sahaara mushaera hoga

merā sasurāl meñ koī bhī taraf-dār nahīñ

un ke hoñToñ pe bhī taale haiñ ḳhudā ḳhair kare

mera sasural mein koi bhi taraf-dar nahin

un ke honTon pe bhi tale hain KHuda KHair kare

beTī ke saath maañ mujhe taslīm hai magar

lekin kabhī kabhī ise tanhā bhī chhoḌ de

beTi ke sath man mujhe taslim hai magar

lekin kabhi kabhi ise tanha bhi chhoD de

naaj jitnā thā vo sab mukhiyā kī bhaiñseñ char ga.iiñ

aur kallū-rām kā khaliyān aadhā rah gayā

naj jitna tha wo sab mukhiya ki bhainsen char gain

aur kallu-ram ka khaliyan aadha rah gaya

terā aadhā kaam ḳhud insān hī karne lage

kaam terā ab to ai shaitān aadhā rah gayā

tera aadha kaam KHud insan hi karne lage

kaam tera ab to ai shaitan aadha rah gaya

chhin ga.ī kursī to leader par uThā liiñ kursiyāñ

jin pe takiya thā vahī patte havā dene lage

chhin gai kursi to leader par uTha lin kursiyan

jin pe takiya tha wahi patte hawa dene lage

mujhe note jab milā biis kā to samajh meñ ḳhud hī ye aa gayā

jahāñ do hazār kī baat thī vo mushā.era koī aur hai

mujhe note jab mila bis ka to samajh mein KHud hi ye aa gaya

jahan do hazar ki baat thi wo mushaera koi aur hai

rahzanoñ se mat Daro tum pārsāoñ se bachcho

leadarān-e-qaum kī zālim adāoñ se Daro

rahzanon se mat Daro tum parsaon se bachcho

leadaran-e-qaum ki zalim adaon se Daro

bolīñ begam maut ke panje meñ shauhar aa.egā

ab dupaTTe kā nahīñ Topī kā number aa.egā

bolin begam maut ke panje mein shauhar aaega

ab dupaTTe ka nahin Topi ka number aaega

ye sun ke bol uThā us se be-zabāñ shauhar

sukūn baḳhshegā tum ko ab āTHvāñ shauhar

ye sun ke bol uTha us se be-zaban shauhar

sukun baKHshega tum ko ab aaTHwan shauhar

dastaḳhat to tumheñ bhī aate haiñ

abbā tum bhī vazīr ban jaate

dastaKHat to tumhein bhi aate hain

abba tum bhi wazir ban jate

har varaq par hai chhapī ġhair-mohazzab tasvīr

kitne behūda risāle haiñ ḳhudā ḳhair kare

har waraq par hai chhapi ghair-mohazzab taswir

kitne behuda risale hain KHuda KHair kare

is bharose pe election meñ khaḌā huuñ maiñ bhī

ik nujūmī ne kahā hai ki ye saal achchhā hai

is bharose pe election mein khaDa hun main bhi

ek nujumi ne kaha hai ki ye sal achchha hai

mire zauq-e-adab ko der meñ ārām aa.egā

kahīñ pichhle pahar tak shā.era kā naam aa.egā

mere zauq-e-adab ko der mein aaram aaega

kahin pichhle pahar tak shaera ka nam aaega

beTe ke muñh pe de ke chapat baap ne kahā

phir fail ho gayā hai minister banegā tū

beTe ke munh pe de ke chapat bap ne kaha

phir fail ho gaya hai minister banega tu

tum ko is baat kā ehsās koī hai ki nahīñ

dil na paḌ jaa.e kisī aur ke chakkar meñ kahīñ

tum ko is baat ka ehsas koi hai ki nahin

dil na paD jae kisi aur ke chakkar mein kahin

murda bagulā bhī fazāoñ meñ uḌā kartā hai

pahlī baar aaj ye dekhī hai karāmat maiñ ne

murda bagula bhi fazaon mein uDa karta hai

pahli bar aaj ye dekhi hai karamat main ne

merī begam ne kabhī ye nahīñ sochā āḳhir

''kis ke ghar jā.egā sailāb-e-balā mere ba.ad''

meri begam ne kabhi ye nahin socha aaKHir

kis ke ghar jaega sailab-e-bala mere baad

yakāyak loud-speaker se gūñjā film kā naġhma

vatan kī aabrū ḳhatre meñ hai hushiyār ho jaao

yakayak loud-speaker se gunja film ka naghma

watan ki aabru KHatre mein hai hushiyar ho jao

apne ġhunDoñ kī taraf dekhā aur us ne yuuñ kahā

jis diye meñ jaan hogī vo diyā rah jā.egā

apne ghunDon ki taraf dekha aur us ne yun kaha

jis diye mein jaan hogi wo diya rah jaega

jald se jald apne ghar meñ naukrī de do mujhe

varna be-qīmat kā naukar DhūñDtī rah jāogī

jald se jald apne ghar mein naukri de do mujhe

warna be-qimat ka naukar DhunDti rah jaogi