ab tak bhī mere hosh Thikāne nahīñ hue

'sālik' kā haal raat ko aisā sunā ki bas

ab tak bhi mere hosh Thikane nahin hue

'salik' ka haal raat ko aisa suna ki bas

kyā sair ho batā de koī but-kade kī raah

jaatā huuñ raah ka.abe kī maiñ pūchhtā huā

kya sair ho bata de koi but-kade ki rah

jata hun rah kabe ki main puchhta hua

'sālik' chakhā.ūñ un ko mazā jaur kā abhī

Dartā huuñ kuchh burā na kaheñ sin ke das mujhe

'salik' chakhaun un ko maza jaur ka abhi

Darta hun kuchh bura na kahen sin ke das mujhe

sayyād aur qaid-e-qafas se kare rahā

jhūTī ḳhabar kisī kī uḌaa.ī huī sī hai

sayyaad aur qaid-e-qafas se kare raha

jhuTi KHabar kisi ki uDai hui si hai

tañg-dastī agar na ho 'sālik'

tandurustī hazār ne.amat hai

tang-dasti agar na ho 'salik'

tandurusti hazar neamat hai