dekhī thiiñ kabhī maiñ ne bhī barkhā kī bahāreñ

ab TuuTe hue dil ko ḳhudārā na dukhāo

dekhi thin kabhi main ne bhi barkha ki bahaaren

ab TuTe hue dil ko KHudara na dukhao

mire liye shab-e-mahtāb ik qayāmat hai

tum aao chāñd sitāroñ meñ dil nahīñ lagtā

mere liye shab-e-mahtab ek qayamat hai

tum aao chand sitaron mein dil nahin lagta

'nāshād' na koī naġhma hai ye dard bharā ik naala hai

kyā samjhe koī dard-e-jigar jab choT na dil par khaa.ī ho

'nashad' na koi naghma hai ye dard bhara ek nala hai

kya samjhe koi dard-e-jigar jab choT na dil par khai ho

tirī duniyā meñ rah kar kyā kareñge

ḳhudāyā umr bhar royā kareñge

teri duniya mein rah kar kya karenge

KHudaya umr bhar roya karenge

vaqt ik zarb lagā.e to ġhazal hotī hai

dard agar dil meñ samā.e to ġhazal hotī hai

waqt ek zarb lagae to ghazal hoti hai

dard agar dil mein samae to ghazal hoti hai