maiñ sāmne se uThā aur lau larazne lagī

charāġh jaise koī baat karne vaalā thā

main samne se uTha aur lau larazne lagi

charagh jaise koi baat karne wala tha

dhuup chhāñv kā koī khel hai bīnā.ī bhī

aañkh ko DhūñD ke laayā huuñ to manzar gum hai

dhup chhanw ka koi khel hai binai bhi

aankh ko DhunD ke laya hun to manzar gum hai

ek majzūb udāsī mere andar gum hai

is samundar meñ koī aur samundar gum hai

ek majzub udasi mere andar gum hai

is samundar mein koi aur samundar gum hai

kis ne rokā hai sar-e-rāh-e-mohabbat tum ko

tumheñ nafrat hai to nafrat se tum aao jaao

kis ne roka hai sar-e-rah-e-mohabbat tum ko

tumhein nafrat hai to nafrat se tum aao jao

paḌā huā huuñ maiñ sajde meñ kah nahīñ paatā

vo baat jis se ki halkā ho kuchh zabān kā bojh

paDa hua hun main sajde mein kah nahin pata

wo baat jis se ki halka ho kuchh zaban ka bojh