ajiib baat hai us raat kī sahar na huī

ka.ī charāg jale raushnī magar na huī

ajib baat hai us raat ki sahar na hui

kai charag jale raushni magar na hui

jahāñ pe jhuuT hai nafrat hai be-īmānī hai

vahīñ pe zindagī-bhar zindagī bitānī hai

jahan pe jhuT hai nafrat hai be-imani hai

wahin pe zindagi-bhar zindagi bitani hai

maiñ shajar dekh ke Dar jaatā huuñ

is qadar dhuup kī aadat hai mujhe

main shajar dekh ke Dar jata hun

is qadar dhup ki aadat hai mujhe

zaḳhm chup-chāp rahegā to rafū bolegā

tum mujhe qatl bhī kar do to lahū bolegā

zaKHm chup-chap rahega to rafu bolega

tum mujhe qatl bhi kar do to lahu bolega

lauTā jab chāñd bhī sūraj bhī ḳhasārā kar ke

ham ne chamkā diyā āñgan ko sitārā kar ke

lauTa jab chand bhi suraj bhi KHasara kar ke

hum ne chamka diya aangan ko sitara kar ke

rasm-e-duniyā ke bayābāñ meñ bichhaḌne vaale

ishq-e-āvāra tujhe DhūñDh rahā hai ab tak

rasm-e-duniya ke bayaban mein bichhaDne wale

ishq-e-awara tujhe DhunDh raha hai ab tak