kyā us se bichhaḌte ki mile hī na the jis se

ik-tarfa mohabbat ke bhī haiñ zāviye kyā kyā

kya us se bichhaDte ki mile hi na the jis se

ik-tarfa mohabbat ke bhi hain zawiye kya kya

saañs khīñcheñ to misra’-e-ūlā

saañs chheḌeñ to misra'-e-sānī

sans khinchen to misra’-e-ula

sans chheDen to misra'-e-sani

ham na aa.e junūñ ke bas meñ kabhī

ye garebāñ ḳhirad ne chaak kiyā

hum na aae junun ke bas mein kabhi

ye gareban KHirad ne chaak kiya

apnī zanjīr-e-pā ko dekhtā huuñ

us kī pāzeb yaad aatī hai

apni zanjir-e-pa ko dekhta hun

us ki pazeb yaad aati hai

kaun ā.īna dekhtā hai miyāñ

sab ko apnā hī 'aks pyārā hai

kaun aaina dekhta hai miyan

sab ko apna hi 'aks pyara hai