maut aa jaa.e vabā meñ ye alag baat magar

ham tire hijr meñ nāġha to nahīñ kar sakte

maut aa jae waba mein ye alag baat magar

hum tere hijr mein nagha to nahin kar sakte

mujh ko lagtā hai ghaḌī jis ne banā.ī hogī

intizār us ko bhī shiddat se kisī kā hogā

mujh ko lagta hai ghaDi jis ne banai hogi

intizar us ko bhi shiddat se kisi ka hoga

anā kā sirf mohabbat ilaaj hai 'āfāq'

tū nok vaale musallas ko dā.ere meñ milā

ana ka sirf mohabbat ilaj hai 'afaq'

tu nok wale musallas ko daere mein mila

ek sūra-fātiha aur chaar qul paḌh dījiye

jo thā pyārā us kī barsī hai guzārish dosto

ek sura-fatiha aur chaar qul paDh dijiye

jo tha pyara us ki barsi hai guzarish dosto

hal nikal ā.eñge masā.il ke

ḳhud-kushī karne vaalo baat karo

hal nikal aaenge masail ke

KHud-kushi karne walo baat karo