sambhal kar paañv rakhnā vādī-e-ishq-o-mohabbat meñ

yahāñ jo sair ko aatā hai bach kar kam nikaltā hai

sambhal kar panw rakhna wadi-e-ishq-o-mohabbat mein

yahan jo sair ko aata hai bach kar kam nikalta hai

hotī hai dūsroñ ko hamesha ye nāgavār

apne sivā kisī ko nasīhat na kījiye

hoti hai dusron ko hamesha ye nagawar

apne siwa kisi ko nasihat na kijiye

guloñ ko toḌte haiñ sūñghte haiñ pheñk dete haiñ

ziyāda bhī numā.ish husn kī achchhī nahīñ hotī

gulon ko toDte hain sunghte hain phenk dete hain

ziyaada bhi numaish husn ki achchhi nahin hoti

ye kyūñkar maan leñ ulfat hameñ karnī nahīñ aatī

kiyā hai kaam hī kyā aur ulfat ke sivā ham ne

ye kyunkar man len ulfat hamein karni nahin aati

kiya hai kaam hi kya aur ulfat ke siwa hum ne

baḌhī hai ḳhāna-e-dil meñ kuchh aur tārīkī

charāġh-e-ishq jalāyā thā raushnī ke liye

baDhi hai KHana-e-dil mein kuchh aur tariki

charagh-e-ishq jalaya tha raushni ke liye