mire hamrāh kyuuñ vo shaḳhs chalnā chāhtā hai

safar ke josh meñ kyā āgahī gum ho ga.ī hai

mere hamrah kyun wo shaKHs chalna chahta hai

safar ke josh mein kya aagahi gum ho gai hai

sabhī ḳhush haiñ ki saare gum-shuda phir mil ga.e haiñ

mujhe ġham hai ki ab terī kamī gum ho ga.ī hai

sabhi KHush hain ki sare gum-shuda phir mil gae hain

mujhe gham hai ki ab teri kami gum ho gai hai

ye kin tishna-laboñ kī fauj guzrī hai idhar se

kahīñ kuchh kam kahīñ puurī nadī gum ho ga.ī hai

ye kin tishna-labon ki fauj guzri hai idhar se

kahin kuchh kam kahin puri nadi gum ho gai hai