aap ke haath meñ hai mujh se ta'alluq kā remote

aap chāheñ to ye channel bhī badal sakte haiñ

aap ke hath mein hai mujh se ta'alluq ka remote

aap chahen to ye channel bhi badal sakte hain

'ajīb Dhang se mujh ko milī hai āzādī

parinda piñjre meñ piñjra havā meñ rakkhā gayā

'ajib Dhang se mujh ko mili hai aazadi

parinda pinjre mein pinjra hawa mein rakkha gaya

hamāre khel kī guḌiyā tumhī ho

tumhāre khel kā guDDā nayā hai

hamare khel ki guDiya tumhi ho

tumhaare khel ka guDDa naya hai

ḳhuun se mazlūm ke ho to ga.e raushan charāġh

raushnī aisī huī phir shahr andhā ho gayā

KHun se mazlum ke ho to gae raushan charagh

raushni aisi hui phir shahr andha ho gaya

vo hijr-zāde shab-e-vasl ye bhī bhuul ga.e

charāġh un ko jalāne nahīñ bujhāne the

wo hijr-zade shab-e-wasl ye bhi bhul gae

charagh un ko jalane nahin bujhane the