رات بستی جلی غریبوں کی

صبح اخبار ہو گئے روشن

قدم قدم پہ مرے خواب جل رہے ہیں یہاں

میں اس زمین کو جنت بنانے آیا تھا

میری مزدوری کے پیسے مجھے دے دو مالک

آج بیٹی مری سسرال سے آئی ہوئی ہے

ان غریب لوگوں کی یہ عجیب مشکل ہے

سر جھکا کے کہتے ہیں سر نہیں جھکائیں گے

اور تھوڑا سا زہر گھلنے دو

آدمی آدمی کو ترسے گا

میاں مجنوں تو کب کے مر چکے ہیں

مگر ہاتھوں میں پتھر ہے ابھی تک

جو مرے سوچنے کی باتیں ہیں

دوسرے سوچتے ہیں میرے لیے

کوئی جلدی نہیں ہے سوچ لینا

ابھی انکار کی گنجائشیں ہیں

وہ میری تیغ سے مرتا تو کیا مزہ آتا

اسی کے تیر سے اس کا شکار کرنا تھا

قصور ان شاعروں کا بھی نہیں ہے

وہی دیں گے جو یہ بازار بولے