na rahe bāġh-e-jahāñ meñ kabhī ārām se ham

phañs ga.e qaid-e-qafas meñ jo chhuTe daam se ham

na rahe bagh-e-jahan mein kabhi aaram se hum

phans gae qaid-e-qafas mein jo chhuTe dam se hum

chashm-e-bad-dūr ajab ḳhush-qad-o-qāmat hogā

abhī fitna hai koī din meñ qayāmat hogā

chashm-e-bad-dur ajab KHush-qad-o-qamat hoga

abhi fitna hai koi din mein qayamat hoga

ḳhudā kisī ko giraftār zulf kā na kare

nasīb meñ kisī kāfir ke ye balā na kare

KHuda kisi ko giraftar zulf ka na kare

nasib mein kisi kafir ke ye bala na kare

aah dī siine meñ ātish kaun sī be-dard ne

dil se le kar muñh talak umDā huā ik dard hai

aah di sine mein aatish kaun si be-dard ne

dil se le kar munh talak umDa hua ek dard hai

apne maz.hab meñ hai ik shart tarīq-e-iḳhlās

kuchh ġharaz kufr se rakhte haiñ na islām se ham

apne mazhab mein hai ek shart tariq-e-iKHlas

kuchh gharaz kufr se rakhte hain na islam se hum