ek tum ho ki tumheñ sochnā aatā hī nahīñ

ek ham haiñ ki bahut soch ke nuqsān meñ haiñ

ek tum ho ki tumhein sochna aata hi nahin

ek hum hain ki bahut soch ke nuqsan mein hain

hoñT apne haiñ daañt bhī apne

kyā shikāyat kareñ kisī se ham

honT apne hain dant bhi apne

kya shikayat karen kisi se hum

bahut ghāTe meñ hai urdu zabāñ kyoñ

mohabbat kī zabāñ hote hue bhī

bahut ghaTe mein hai urdu zaban kyon

mohabbat ki zaban hote hue bhi

kitnā dushvār lag rahā thā safar

dekho ham aa ga.e vahāñ se yahāñ

kitna dushwar lag raha tha safar

dekho hum aa gae wahan se yahan

tere kahne se chup nahīñ huuñ maiñ

jāntā huuñ ki bolnā kab hai

tere kahne se chup nahin hun main

jaanta hun ki bolna kab hai