'shād' ġhair-mumkin hai shikva-e-butāñ mujh se

maiñ ne jis se ulfat kī us ko bā-vafā paayā

'shad' ghair-mumkin hai shikwa-e-butan mujh se

main ne jis se ulfat ki us ko ba-wafa paya

kaTtī hai aarzū ke sahāre pe zindagī

kaise kahūñ kisī kī tamannā na chāhiye

kaTti hai aarzu ke sahaare pe zindagi

kaise kahun kisi ki tamanna na chahiye

tum salāmat raho qayāmat tak

aur qayāmat kabhī na aa.e 'shād'

tum salamat raho qayamat tak

aur qayamat kabhi na aae 'shad'

dekh kar shā.ir ne us ko nukta-e-hikmat kahā

aur be-soche zamāne ne use ''aurat'' kahā

dekh kar shair ne us ko nukta-e-hikmat kaha

aur be-soche zamane ne use aurat kaha

rañg lā.egī hamārī tañg-dastī ek din

misl-e-ġhālib 'shād' gar sab kuchh udhār aatā gayā

rang laegi hamari tang-dasti ek din

misl-e-ghaalib 'shad' gar sab kuchh udhaar aata gaya