شاہ آثم کی شاعری

شاہ آثم کے اشعار

کافر عشق ہوا جب سے میں اس دہر میں ہوں

ہے مرے کفر سے یہ دین اور ایماں نازاں

آئینہ لے کے دیکھ ذرا اپنے حسن کو

آئے گی یہ بہار گلستاں خزاں میں یاد

لا مکاں ہے واسطے ان کی مقام بود و باش

گو بظاہر کہنے کو کلکتہ اور لاہور ہے

اسلام اور کفر ہمارا ہی نام ہے

کعبہ کنشت دونوں میں اپنا مقام ہے

دیکھ کر مجھ کو تجھے کیوں ہے تحیر ناصح

مشرب عشق ہے یہ مذہب اسلام نہیں

ہے عیاں روئے یار آنکھوں میں

چھائی ہے کیا بہار آنکھوں میں

اٹھی ہے جب سے دل میں مرے عشق کی ترنگ

شادی و غم ہیں آگے مرے دونوں ایک رنگ