islām aur kufr hamārā hī naam hai

ka.aba kunisht donoñ meñ apnā maqām hai

islam aur kufr hamara hi nam hai

kaba kunisht donon mein apna maqam hai

dekh kar mujh ko tujhe kyuuñ hai tahayyur nāseh

mashrab-e-ishq hai ye maz.hab-e-islām nahīñ

dekh kar mujh ko tujhe kyun hai tahayyur naseh

mashrab-e-ishq hai ye mazhab-e-islam nahin

hai ayaañ rū-e-yār āñkhoñ meñ

chhā.ī hai kyā bahār āñkhoñ meñ

hai ayan ru-e-yar aankhon mein

chhai hai kya bahaar aankhon mein

uTThī hai jab se dil meñ mire ishq kī tarañg

shādī o ġham haiñ aage mire donoñ ek rañg

uTThi hai jab se dil mein mere ishq ki tarang

shadi o gham hain aage mere donon ek rang

kāfir-e-ishq huā jab se maiñ is dahr meñ huuñ

hai mire kufr se ye diin aur īmāñ nāzāñ

kafir-e-ishq hua jab se main is dahr mein hun

hai mere kufr se ye din aur iman nazan

lā-makāñ hai vāste un kī maqām-e-būd-o-bāsh

go ba-zāhir kahne ko kalkatta aur lahore hai

la-makan hai waste un ki maqam-e-bud-o-bash

go ba-zahir kahne ko kalkatta aur lahore hai

ā.īna le ke dekh zarā apne husn ko

aa.egī ye bahār-e-gulistāñ ḳhizāñ meñ yaad

aaina le ke dekh zara apne husn ko

aaegi ye bahaar-e-gulistan KHizan mein yaad