vo sar-e-mahfil baḌhāte jā rahe haiñ guftugū

maiñ magar katrā rahā huuñ baat kī tafsīl se

wo sar-e-mahfil baDhate ja rahe hain guftugu

main magar katra raha hun baat ki tafsil se

kahīñ bhī ḳhud ko kabhī be-nishāñ na hone diyā

safar kaThin thā magar rā.egāñ na hone diyā

kahin bhi KHud ko kabhi be-nishan na hone diya

safar kaThin tha magar raegan na hone diya

āsmāñ-dar-āsmāñ asrār mujh par khul ga.e

maiñ uḌāyā jā rahā huuñ shahpar-e-jibrīl se

aasman-dar-asman asrar mujh par khul gae

main uDaya ja raha hun shahpar-e-jibril se

gavārā kaise kareñ us kī tamkanat 'shahbāz'

ki kuchh to ham bhī havā apne sar meñ rakhte haiñ

gawara kaise karen us ki tamkanat 'shahbaz'

ki kuchh to hum bhi hawa apne sar mein rakhte hain

hāsil-e-kun bhī nigāhoñ kā ishāra to nahīñ

ye jo dil mujh meñ dhaḌaktā hai tumhārā to nahīñ

hasil-e-kun bhi nigahon ka ishaara to nahin

ye jo dil mujh mein dhaDakta hai tumhaara to nahin