siyāh āñkhoñ kī rangat kī ik jhalak ke liye

tirī talāsh meñ surma-farosh rahte haiñ

siyah aankhon ki rangat ki ek jhalak ke liye

teri talash mein surma-farosh rahte hain

tum se Takrā.e to huā mā'lūm

hādse ḳhushnumā bhī hote haiñ

tum se Takrae to hua ma'lum

hadse KHushnuma bhi hote hain

ye tirī yaad jo kar jaatī hai bechain hameñ

ye tirī yaad kabhī ba.is-e-taskīn bhī thī

ye teri yaad jo kar jati hai bechain hamein

ye teri yaad kabhi bais-e-taskin bhi thi

ye dil-vil kā dhḌaknā kuchh nahīñ hai

tire siine meñ jo halchal hai maiñ huuñ

ye dil-wil ka dhDakna kuchh nahin hai

tere sine mein jo halchal hai main hun

ik adhūrā ḳhvāb jo aksar Darātā thā mujhe

terā jaanā us adhūre ḳhvāb kī tā'bīr hai

ek adhura KHwab jo aksar Daraata tha mujhe

tera jaana us adhure KHwab ki ta'bir hai

hamāre ghar meñ ye tahzīb ab bhī zinda hai

buzurg boleñ to bachche ḳhamosh rahte haiñ

hamare ghar mein ye tahzib ab bhi zinda hai

buzurg bolen to bachche KHamosh rahte hain

niiñd aa.ī to dhuup khile tak so.eñge

ḳhvāboñ kī fehrist banā kar baiThe haiñ

nind aai to dhup khile tak soenge

KHwabon ki fehrist bana kar baiThe hain

is qadar Dar hai maut kā us ko

jaan de degā zindagī ke liye

is qadar Dar hai maut ka us ko

jaan de dega zindagi ke liye

do meñ koī ek ho to phir bhī ban jaatī hai baat

mas.ala ye hai ki ham donoñ hī the ziddī bahut

do mein koi ek ho to phir bhi ban jati hai baat

masala ye hai ki hum donon hi the ziddi bahut

roz tārīḳh calendar meñ badal jaatī thī

phir vo tārīḳh bhī aa.ī ki calendar badlā

roz tariKH calendar mein badal jati thi

phir wo tariKH bhi aai ki calendar badla

shukr kiije ki maut hai varna

zindagī se hameñ bachātā kaun

shukr kije ki maut hai warna

zindagi se hamein bachata kaun

balliyoñ kūdtā uchhaltā dil

aap kī ik nahīñ pe baiTh gayā

balliyon kudta uchhalta dil

aap ki ek nahin pe baiTh gaya

ho bhaTakne kā jise shauq mire saath chale

jo ho manzil kā talabgār palaT jaa.e abhī

ho bhaTakne ka jise shauq mere sath chale

jo ho manzil ka talabgar palaT jae abhi

ham se mil kar dekhiye achchhā lagegā aap ko

ādmiyyat ke abhī tak an-chhue pahlū haiñ ham

hum se mil kar dekhiye achchha lagega aap ko

aadmiyyat ke abhi tak an-chhue pahlu hain hum