kisī se tum nahīñ karte koī tum se nahīñ kartā

magar bas baat karne se bahut kuchh Thiik hotā hai

kisi se tum nahin karte koi tum se nahin karta

magar bas baat karne se bahut kuchh Thik hota hai

maiñ vo to bhuul baiThā huuñ jo mujh ko yaad rakhnā thā

magar jo bhuul jaanā thā mujhe vo yaad hai ab tak

main wo to bhul baiTha hun jo mujh ko yaad rakhna tha

magar jo bhul jaana tha mujhe wo yaad hai ab tak

mohabbat ye nahīñ kahtī ki us ko bāñdh kar rakh leñ

kisī panchhī ko uḌtā dekh kar jalte nahīñ haiñ ham

mohabbat ye nahin kahti ki us ko bandh kar rakh len

kisi panchhi ko uDta dekh kar jalte nahin hain hum

mujhe nafrat thī jis kirdār se ab tak kahānī meñ

usī kirdār ke marne pe ab rone lagā huuñ maiñ

mujhe nafrat thi jis kirdar se ab tak kahani mein

usi kirdar ke marne pe ab rone laga hun main

ye āḳhir hai ye āḳhir hai ye āḳhir hai ye āḳhir

us ke har ik zulm ko maiñ ne āḳhir samjhā bhuul huī

ye aaKHir hai ye aaKHir hai ye aaKHir hai ye aaKHir

us ke har ek zulm ko main ne aaKHir samjha bhul hui