kal tak jo kuchh na thā mirā īmān ho gayā

ik 'aam aadmī se maiñ insān ho gayā

kal tak jo kuchh na tha mera iman ho gaya

ek 'am aadmi se main insan ho gaya

dekh terī sohbatoñ kā kyā asar aayā hai aaj

ek āvāra parinda phir se ghar aayā hai aaj

dekh teri sohbaton ka kya asar aaya hai aaj

ek aawara parinda phir se ghar aaya hai aaj

yuuñ imtihān merā lete rahe masā.il

ik haath par thā dariyā ik haath par thā sāhil

yun imtihan mera lete rahe masail

ek hath par tha dariya ek hath par tha sahil

chhū bhī letī hai musībat gar mirī dahlīz ko

ek zarra huuñ magar chaTTān ho jaatā huuñ maiñ

chhu bhi leti hai musibat gar meri dahliz ko

ek zarra hun magar chaTTan ho jata hun main

mujh ko joḌā hai toḌ kar ḳhud ko

us ne mujh ko bikhartā paayā jab

mujh ko joDa hai toD kar KHud ko

us ne mujh ko bikharta paya jab