ہے تا حد امکاں کوئی بستی نہ بیاباں

آنکھوں میں کوئی خواب دکھائی نہیں دیتا

اک چاند ہے آوارہ و بیتاب و فلک تاب

اک چاند ہے آسودگیٔ ہجر کا مارا

لذت دید خدا جانے کہاں لے جائے

آنکھ ہوتی ہے تو ہوتا نہیں قابو دل پر

کسی سے عشق ہو جانے کو افسانہ نہیں کہتے

کہ افسانے متاع کوچہ و بازار ہوتے ہیں

اک خلا ہے جو پر نہیں ہوتا

جب کوئی درمیاں سے اٹھتا ہے

حلقۂ شام و سحر سے نہیں جانے والا

درد اس دیدۂ تر سے نہیں جانے والا

جسے نا خواب کہتے ہیں اسی کو خواب کہتے ہیں

تمیز خیر و شر میں نکتۂ صد معتبر کیا ہے

کہیں پہ دست نگاریں کہیں لب لعلیں

وہ سوتے سوتے مری نیند کا اچٹ جانا

اس طرح چشم نیم وا غافل بھی تھی بیدار بھی

جیسے نشہ ہو رات کا یا صبح کا تڑکا ہوا

میں پر شکستہ نہ تھا بادلوں کے بیچ مگر

مری اڑان کا زنجیر سے لپٹ جانا

کہیں بھی طائر آوارہ ہو مگر طے ہے

جدھر کماں ہے ادھر جائے گا کبھی نہ کبھی

ہوا کا تبصرہ یہ ساکنان شہر پہ تھا

عجیب لوگ ہیں پانی پہ گھر بناتے ہیں

ہے ارتباط شکن دائروں میں بٹ جانا

چمن کا موجۂ باد صبا سے کٹ جانا

میں دیکھتا ہوں فراز جنوں سے دنیا کو

کہ سہل بھی نہیں شایان آرزو ہونا

عجب نہیں کہ ہو دیوار نقطۂ موہوم

مکان ہو کہ مکیں دو دلوں کا ملنا دیکھ