halqa-e-shām-o-sahar se nahīñ jaane vaalā

dard is dīda-e-tar se nahīñ jaane vaalā

halqa-e-sham-o-sahar se nahin jaane wala

dard is dida-e-tar se nahin jaane wala

kahīñ bhī tā.ir-e-āvāra ho magar tai hai

jidhar kamāñ hai udhar jā.egā kabhī na kabhī

kahin bhi tair-e-awara ho magar tai hai

jidhar kaman hai udhar jaega kabhi na kabhi

ik ḳhalā hai jo pur nahīñ hotā

jab koī darmiyāñ se uThtā hai

ek KHala hai jo pur nahin hota

jab koi darmiyan se uThta hai

hai tā-hadd-e-imkāñ koī bastī na bayābāñ

āñkhoñ meñ koī ḳhvāb dikhā.ī nahīñ detā

hai ta-hadd-e-imkan koi basti na bayaban

aankhon mein koi KHwab dikhai nahin deta

havā kā tabsira ye sākinān-e-shahr pe thā

ajiib log haiñ paanī pe ghar banāte haiñ

hawa ka tabsira ye sakinan-e-shahr pe tha

ajib log hain pani pe ghar banate hain

kahīñ pe dast-e-nigārīñ kahīñ lab-e-lālīñ

vo sote sote mirī niiñd kā uchaT jaanā

kahin pe dast-e-nigarin kahin lab-e-lalin

wo sote sote meri nind ka uchaT jaana

is tarah chashm-e-nīm-vā ġhāfil bhī thī bedār bhī

jaise nasha ho raat kā yā sub.h kā taḌkā huā

is tarah chashm-e-nim-wa ghafil bhi thi bedar bhi

jaise nasha ho raat ka ya subh ka taDka hua

ik chāñd hai āvāra-o-betāb o falak-tāb

ik chāñd hai āsūdgī-e-hijr kā maarā

ek chand hai aawara-o-betab o falak-tab

ek chand hai aasudgi-e-hijr ka mara

kisī se ishq ho jaane ko afsāna nahīñ kahte

ki afsāne mata-e-kūcha-o-bāzār hote haiñ

kisi se ishq ho jaane ko afsana nahin kahte

ki afsane mata-e-kucha-o-bazar hote hain

jise nā-ḳhvāb kahte haiñ usī ko ḳhvāb kahte haiñ

tamīz-e-ḳhair-o-shar meñ nukta-e-sad-motabar kyā hai

jise na-KHwab kahte hain usi ko KHwab kahte hain

tamiz-e-KHair-o-shar mein nukta-e-sad-motabar kya hai

lazzat-e-dīd ḳhudā jaane kahāñ le jaa.e

aañkh hotī hai to hotā nahīñ qaabū dil par

lazzat-e-did KHuda jaane kahan le jae

aankh hoti hai to hota nahin qabu dil par

maiñ par-shikasta na thā bādaloñ ke biich magar

mirī uḌaan kā zanjīr se lipaT jaanā

main par-shikasta na tha baadalon ke bich magar

meri uDan ka zanjir se lipaT jaana

hai irtibāt-shikan dā.eroñ meñ baT jaanā

chaman kā mauja-e-bād-e-sabā se kaT jaanā

hai irtibaat-shikan daeron mein baT jaana

chaman ka mauja-e-baad-e-saba se kaT jaana

maiñ dekhtā huuñ farāz-e-junūñ se duniyā ko

ki sahal bhī nahīñ shāyān-e-ārzū honā

main dekhta hun faraaz-e-junun se duniya ko

ki sahal bhi nahin shayan-e-arzu hona

ajab nahīñ ki ho dīvār nuqta-e-mauhūm

makān ho ki makīñ do diloñ kā milnā dekh

ajab nahin ki ho diwar nuqta-e-mauhum

makan ho ki makin do dilon ka milna dekh