اس پل دو پل کی ہستی میں

کیا تیرا ہے کیا میرا ہے

ان سے آواز کرب آتی ہے

زرد پتوں پہ مت چلے کوئی

وہ مجھ سے پوچھنے لگا میرے سوال اب

اور میں بھی دے رہا ہوں جو اس کے جواب تھے

فقیہ شہر سے کچھ خاص دشمنی تو نہیں

فقیہ شہر سے لیکن ٹھنی سی رہتی ہے

اپنے لیے بھی کوئی رعایت روا نہیں

اس منصفی کی خو نے تو سفاک کر دیا

بولی لگی متاع ہنر کی تو اہل فن

جلدی میں اپنے خواب بھی نیلام کر گئے

کچھ معرکے ہمارے بھی ہم تک ہی رہ گئے

گمنام اک سپاہی کی خدمات کی طرح