is pal do pal kī hastī meñ

kyā terā hai kyā merā hai

is pal do pal ki hasti mein

kya tera hai kya mera hai

in se āvāz-e-karb aatī hai

zard pattoñ pe mat chale koī

in se aawaz-e-karb aati hai

zard patton pe mat chale koi

vo mujh se pūchhne lagā mere savāl ab

aur maiñ bhī de rahā huuñ jo is ke javāb the

wo mujh se puchhne laga mere sawal ab

aur main bhi de raha hun jo is ke jawab the

kuchh ma.arke hamāre bhī ham tak hī rah ga.e

gumnām ik sipāhī kī ḳhidmāt kī tarah

kuchh marke hamare bhi hum tak hi rah gae

gumnam ek sipahi ki KHidmat ki tarah

apne liye bhī koī ri.āyat ravā nahīñ

is munsifī kī ḳhū ne to saffāk kar diyā

apne liye bhi koi riayat rawa nahin

is munsifi ki KHu ne to saffak kar diya

faqīh-e-shahr se kuchh ḳhaas dushmanī to nahīñ

faqīh-e-shahr se lekin Thanī sī rahtī hai

faqih-e-shahr se kuchh KHas dushmani to nahin

faqih-e-shahr se lekin Thani si rahti hai

bolī lagī mata-e-hunar kī to ahl-e-fan

jaldī meñ apne ḳhvāb bhī nīlām kar ga.e

boli lagi mata-e-hunar ki to ahl-e-fan

jaldi mein apne KHwab bhi nilam kar gae