tirā kūcha bahut achchhā hai lekin

mire rahne kī gunjā.ish kahāñ hai

tera kucha bahut achchha hai lekin

mere rahne ki gunjaish kahan hai

aish-e-duniyā se ḳhush na ho koī

ham ne dekhe haiñ aise ḳhvāb bahut

aish-e-duniya se KHush na ho koi

hum ne dekhe hain aise KHwab bahut

hazāroñ paikar-e-ummīd nazroñ se hue ojhal

jo kuchh baaqī rahe the vo bhī pinhāñ hote jaate haiñ

hazaron paikar-e-ummid nazron se hue ojhal

jo kuchh baqi rahe the wo bhi pinhan hote jate hain

aah ye chāra-sāziyāñ haa.e ye be-niyāziyāñ

sab se nazar milī huī sab se magar alag alag

aah ye chaara-saziyan hae ye be-niyaziyan

sab se nazar mili hui sab se magar alag alag

kisī pāband-e-ġham kī zindagī kyā

kabhī naale kabhī fariyād karnā

kisi paband-e-gham ki zindagi kya

kabhi nale kabhi fariyaad karna

pahle siite haiñ ham garebāñ ko

phir use taar taar karte haiñ

pahle site hain hum gareban ko

phir use tar tar karte hain