apnī nazreñ haiñ apne chehre pe

koī apne sivā nahīñ rahtā

apni nazren hain apne chehre pe

koi apne siwa nahin rahta

jal ke parvāna jahāñ raakh bane

sham' kī aur vahāñ saakh bane

jal ke parwana jahan rakh bane

sham' ki aur wahan sakh bane

nishāna chuuk bhī jaa.e bharosa choT khātā hai

koī bhī vaar samjho to kabhī ḳhālī nahīñ jaatā

nishana chuk bhi jae bharosa choT khata hai

koi bhi war samjho to kabhi KHali nahin jata

nazar ik zāviye kī tarjumāñ hai

ye jo tasḳhīr-e-manzar hai gumāñ hai

nazar ek zawiye ki tarjuman hai

ye jo tasKHir-e-manzar hai guman hai

dil se khelā hai khilaunoñ ne bahut

ham khilaunoñ ke khilaune nikle

dil se khela hai khilaunon ne bahut

hum khilaunon ke khilaune nikle

raat se hone lagī hai haa.e ghabrāhaT mujhe

chauñk uThtā huuñ jo aa.e niiñd kī aahaT mujhe

raat se hone lagi hai hae ghabrahaT mujhe

chaunk uThta hun jo aae nind ki aahaT mujhe