ahrman kā raqs-e-vahshat har galī har moḌ par

barbariyyat dekh kar hai ḳhud qazā sahmī huī

ahrman ka raqs-e-wahshat har gali har moD par

barbariyyat dekh kar hai KHud qaza sahmi hui

gard-e-safar ke saath thā vābasta intizār

ab to kahīñ ġhubār bhī baaqī nahīñ rahā

gard-e-safar ke sath tha wabasta intizar

ab to kahin ghubar bhi baqi nahin raha

phir koī choT ubhrī dil meñ kasak sī jaagī

yādoñ kī aaj shāyad purvā.ī chal rahī hai

phir koi choT ubhri dil mein kasak si jagi

yaadon ki aaj shayad purwai chal rahi hai

rishta rahā ajiib mirā zindagī ke saath

chaltā ho jaise koī kisī ajnabī ke saath

rishta raha ajib mera zindagi ke sath

chalta ho jaise koi kisi ajnabi ke sath

us se bachhḌā to yuuñ lagā jaise

koī mujh meñ bikhar gayā sāhab

us se bachhDa to yun laga jaise

koi mujh mein bikhar gaya sahab