jaise maiñ dostoñ se hañs ke gale miltā huuñ

koī ma.amūlī adākār nahīñ kar saktā

jaise main doston se hans ke gale milta hun

koi mamuli adakar nahin kar sakta

pahle bhī jis pe mire sabr kī had ḳhatm huī

tū ne kar dī nā vahī baat dobāra mire dost

pahle bhi jis pe mere sabr ki had KHatm hui

tu ne kar di na wahi baat dobara mere dost

tumhārī baat se itnā bhī dukh nahīñ pahuñchā

magar jo pahuñchā tumhārī vazāhatoñ se mujhe

tumhaari baat se itna bhi dukh nahin pahuncha

magar jo pahuncha tumhaari wazahaton se mujhe

hijr hogā na koī hijr kā nauha hogā

baaz aate haiñ mohabbat se jo hogā hogā

hijr hoga na koi hijr ka nauha hoga

baz aate hain mohabbat se jo hoga hoga

ek do baar to rokūñgā muravvat meñ tujhe

saikaḌoñ baar to isrār nahīñ kar saktā

ek do bar to rokunga murawwat mein tujhe

saikaDon bar to israr nahin kar sakta