tamannā jo na rakhtā ho jhukā.e vo nazar kis se

use shādī o ġham kis kā use suud o zarar kis se

tamanna jo na rakhta ho jhukae wo nazar kis se

use shadi o gham kis ka use sud o zarar kis se

dil ko ro baiThe ki dil le ke vo ghar baiTh rahe

ham idhar baiTh rahe aur vo udhar baiTh rahe

dil ko ro baiThe ki dil le ke wo ghar baiTh rahe

hum idhar baiTh rahe aur wo udhar baiTh rahe

dil us chashm ko vo dil-e-zār ko

ki dekhe hai bīmār bīmār ko

dil us chashm ko wo dil-e-zar ko

ki dekhe hai bimar bimar ko

vo kaun sī jafā hai ki jo tum ne kī nahīñ

vo kaun sā sitam hai jo maiñ ne sahā nahīñ

wo kaun si jafa hai ki jo tum ne ki nahin

wo kaun sa sitam hai jo main ne saha nahin

aisā tire firāq meñ bīmār ho gayā

maiñ chārāgar kī jaan ko āzār ho gayā

aisa tere firaq mein bimar ho gaya

main chaaragar ki jaan ko aazar ho gaya