bas ik nishān sā baaqī thā kachche āñgan meñ

parinda lauT ke aaya to mar chukā thā daraḳht

bas ek nishan sa baqi tha kachche aangan mein

parinda lauT ke aaya to mar chuka tha daraKHt

chhupā rahtā hai dast-e-ārzū ḳhuddār logoñ kā

baḌī mushkil se apnī zaat kā iz.hār karte haiñ

chhupa rahta hai dast-e-arzu KHuddar logon ka

baDi mushkil se apni zat ka izhaar karte hain

zamīñ uThegī nahīñ āsmāñ jhukegā nahīñ

anā-parast haiñ donoñ ke ḳhāndān bahut

zamin uThegi nahin aasman jhukega nahin

ana-parast hain donon ke KHandan bahut

koī kaise pā sakegā sā.ebānī meñ sukūn

dhuup jab baiThī huī ho sāya-e-dīvār meñ

koi kaise pa sakega saebani mein sukun

dhup jab baiThi hui ho saya-e-diwar mein

ye sāzishoñ kā daur hai ai tishna-lab hayāt

paanī talāsh karnā samundar ko chhoḌ kar

ye sazishon ka daur hai ai tishna-lab hayat

pani talash karna samundar ko chhoD kar