nazroñ kī tashaffī kā bhī kar de koī sāmāñ

dil ke to bahalne ko tirā naam bahut hai

nazron ki tashaffi ka bhi kar de koi saman

dil ke to bahalne ko tera nam bahut hai

mujh ko havas-e-bāda-o-sāġhar nahīñ saaqī

un mast nigāhoñ kā bas ik jaam bahut hai

mujh ko hawas-e-baada-o-saghar nahin saqi

un mast nigahon ka bas ek jam bahut hai

ye kyā hai ki zikr-e-ġham-e-ayyām bahut hai

shīshe meñ abhī to mai-e-gulfām bahut hai

ye kya hai ki zikr-e-gham-e-ayyam bahut hai

shishe mein abhi to mai-e-gulfam bahut hai

martā huuñ havas meñ ġham-e-jāved kī varna

jiine ko tire hijr kī ik shaam bahut hai

marta hun hawas mein gham-e-jawed ki warna

jine ko tere hijr ki ek sham bahut hai