jañgaloñ meñ ghūmte phirte haiñ shahroñ ke faqīh

kyā daraḳhtoñ se bhī chhin jā.egā aalam vajd kā

jangalon mein ghumte phirte hain shahron ke faqih

kya daraKHton se bhi chhin jaega aalam wajd ka

khul gayā raaz chhupī chaah kā sab mahfil par

naam le kar jo mirā us se pukārā na gayā

khul gaya raaz chhupi chah ka sab mahfil par

nam le kar jo mera us se pukara na gaya

jab safar kī dhuup meñ murjhā ke ham do pal ruke

ek tanhā peḌ thā merī tarah jaltā huā

jab safar ki dhup mein murjha ke hum do pal ruke

ek tanha peD tha meri tarah jalta hua

vo rañg kā hujūm sā vo ḳhushbuoñ kī bhiiḌ sī

vo lafz lafz se javāñ vo harf harf se hasīñ

wo rang ka hujum sa wo KHushbuon ki bhiD si

wo lafz lafz se jawan wo harf harf se hasin

in parbatoñ ke biich thī mastūr ik guphā

patthar kī narmiyoñ meñ thī mahfūz kā.enāt

in parbaton ke bich thi mastur ek gupha

patthar ki narmiyon mein thi mahfuz kaenat