achchhaa hu.aa ki ishq me.n barbaad ho ga.e majbuuriyo.n kii qaid se aazaad ho ga.e kab tak fareb khaate rahe.n qaid me.n rahe.n ye soch kar asiir se sayyaad ho ga.e is kaifiyat kaa naam hai kyaa sochte hai.n ham aur dosto.n kii zid hai ki farhaad ho ga.e milne kaa man nahii.n to bahaanaa nayaa taraash ab to mukaalme bhii tire yaad ho ga.e bezaar bad-mizaaj anaa-daar bad-lihaaz aise nahii.n the jaise tere baa'd ho ga.e 'saanii' faqat tumhaaraa likhaa jin KHutuut par vo to kabhii ke zaa.ed-ul-mii.aad ho ga.e