وسیم ملک کی شاعری

وسیم ملک کے اشعار

کوئی دستک کوئی آہٹ نہ صدا ہے کوئی

دور تک روح میں پھیلا ہوا سناٹا ہے

شاخ سے کٹ کر الگ ہونے کا ہم کو غم نہیں

پھول ہیں خوشبو لٹا کر خاک ہو جائیں گے ہم

لطف یہ ہے کہ اسی شخص کے ممنون ہیں ہم

جس کی تلوار نے قسطوں میں ہمیں کاٹا ہے

کل ساتھ تھا کوئی تو در و بام تھے روشن

تنہا ہوں وسیمؔ آج تو گھر کاٹ رہا ہے

لگتا ہے جدا سب سے کردار وسیمؔ اس کا

وہ شہر محبت کا باشندہ نظر آئے

جو شخص مرا دست ہنر کاٹ رہا ہے

نادان ہے شاداب شجر کاٹ رہا ہے