maiñ ḳhushbuoñ ke zikr pe ḳhāmosh hī rahā

hālāñki ek phuul mire hāfize meñ thā

main KHushbuon ke zikr pe KHamosh hi raha

haalanki ek phul mere hafize mein tha

ham chāhte the maut hī ham ko judā kare

afsos apnā saath vahāñ tak nahīñ huā

hum chahte the maut hi hum ko juda kare

afsos apna sath wahan tak nahin hua

tum ham ko javāñ dekh ke hairān huī ho

pahchān to letī ki vo beTā hai hamārā

tum hum ko jawan dekh ke hairan hui ho

pahchan to leti ki wo beTa hai hamara

mohabbatoñ ke hasīñ ḳhvāb le ke āñkhoñ meñ

'bashīr-badr' ko paḌhtā huā vo ek laḌkā

mohabbaton ke hasin KHwab le ke aankhon mein

'bashir-badr' ko paDhta hua wo ek laDka

'umr bhar dushmanoñ ke saath rahe

aag se raushnī kā kaam liyā

'umr bhar dushmanon ke sath rahe

aag se raushni ka kaam liya

ye soch lo ḳhushbū ko taras jāoge ek din

phūloñ ko siyāsat kā hunar de to rahe ho

ye soch lo KHushbu ko taras jaoge ek din

phulon ko siyasat ka hunar de to rahe ho

hamī akele nahīñ zindagī se haare hue

bahut se log khaḌe haiñ badan utāre hue

hami akele nahin zindagi se haare hue

bahut se log khaDe hain badan utare hue

dard vahīñ zanjīr vahīñ dīvār vahīñ

'ishq se āḳhir jhagḌā kyā hai 'aalī jaah

dard wahin zanjir wahin diwar wahin

'ishq se aaKHir jhagDa kya hai 'ali jah

mohabbat bojh ban kar hī bhale rahtī ho kāñdhoñ par

magar ye bojh haTtā hai to kandhe Tuut jaate haiñ

mohabbat bojh ban kar hi bhale rahti ho kandhon par

magar ye bojh haTta hai to kandhe Tut jate hain

tumhāre baa'd ab jis kā bhī jī chāhe mujhe rakh le

janāza apnī marzī se kahāñ kandhā badaltā hai

tumhaare ba'd ab jis ka bhi ji chahe mujhe rakh le

janaza apni marzi se kahan kandha badalta hai

thakan se chuur ho kar gir gayā bistar pe maiñ apne

magar ab tak tirī tasvīr se baazū nahīñ nikle

thakan se chur ho kar gir gaya bistar pe main apne

magar ab tak teri taswir se bazu nahin nikle

aañsū hamārā us kī hathelī pe aa gayā

shahzāda aaj apnī havelī pe aa gayā

aansu hamara us ki hatheli pe aa gaya

shahzada aaj apni haweli pe aa gaya

'nādir' tum apnī pyaas kahāñ le ke aa ga.e

qatre udhār maañg ke dariyā bane haiñ log

'nadir' tum apni pyas kahan le ke aa gae

qatre udhaar mang ke dariya bane hain log

samundaroñ ko bahut hasratoñ se takte ho

tum apnī āñkheñ bhī sahrā banā ke chhoḌoge

samundaron ko bahut hasraton se takte ho

tum apni aankhen bhi sahra bana ke chhoDoge

ye 'ishq lā.egā us moḌ par tujhe ek din

ġhazal nahīñ tū mirā naam gungunā.egā

ye 'ishq laega us moD par tujhe ek din

ghazal nahin tu mera nam gungunaega

maiñ ḳhushbuoñ ke zikr pe ḳhāmosh hī rahā

hālāñki ek phuul mire hāfize meñ thā

main KHushbuon ke zikr pe KHamosh hi raha

haalanki ek phul mere hafize mein tha

log to aur bhī akele haiñ

tum ko ehsās kuchh ziyāda hai

log to aur bhi akele hain

tum ko ehsas kuchh ziyaada hai

tire baġhair bhī kahtī hai mujh se jiine ko

ye zindagī bhī sahī mashvara nahīñ detī

tere baghair bhi kahti hai mujh se jine ko

ye zindagi bhi sahi mashwara nahin deti

havā se kah do ki ḳhushbū kā haath chhoḌ bhī de

abhī charāġh kī lau ko tirī zarūrat hai

hawa se kah do ki KHushbu ka hath chhoD bhi de

abhi charagh ki lau ko teri zarurat hai

tumheñ ye 'ishq bichhaḌ kar samajh meñ aa.egā

charāġh bujhte haiñ tab jā ke raat khultī hai

tumhein ye 'ishq bichhaD kar samajh mein aaega

charagh bujhte hain tab ja ke raat khulti hai

bahut tezāb phailā hai galī-kūchoñ meñ nafrat kā

mohabbat phir bhī apne kaam se bāhar nikaltī hai

bahut tezab phaila hai gali-kuchon mein nafrat ka

mohabbat phir bhi apne kaam se bahar nikalti hai

bichhaḌ kar aap se ye tajraba ho hī gayā āḳhir

maiñ aksar sochtā thā log kaise Tuut jaate haiñ

bichhaD kar aap se ye tajraba ho hi gaya aaKHir

main aksar sochta tha log kaise Tut jate hain

aise mauqe' to asīrī meñ ka.ī baar mile

ham agar chāhte zanjīr badal sakte the

aise mauqe' to asiri mein kai bar mile

hum agar chahte zanjir badal sakte the

us ne tā'rīf ke patthar se kiyā hai zaḳhmī

ye nishāna baḌī mushkil se ḳhatā hotā hai

us ne ta'rif ke patthar se kiya hai zaKHmi

ye nishana baDi mushkil se KHata hota hai

mahfil-e-she'r-o-suḳhan yuuñ hī raheñ bāġh-o-bahār

nasl-dar-nasl chale mīr-taqī-'mīr' kā dukh

mahfil-e-she'r-o-suKHan yun hi rahen bagh-o-bahaar

nasl-dar-nasl chale mir-taqi-'mir' ka dukh

nasleñ vahshī ho jaatī haiñ yaar hifāzat karne meñ

ḳhush hone kī baat nahīñ hai sahrā kī sultānī par

naslen wahshi ho jati hain yar hifazat karne mein

KHush hone ki baat nahin hai sahra ki sultani par

sab apne naam kī taḳhtī lagā.e baiThe haiñ

pata sabhī ko hai ye saltanat ḳhudā kī hai

sab apne nam ki taKHti lagae baiThe hain

pata sabhi ko hai ye saltanat KHuda ki hai

ab is se baḌh ke mohabbat kisī ko kyā degī

kisī kī aañkh kā aañsū kisī kī aañkh meñ hai

ab is se baDh ke mohabbat kisi ko kya degi

kisi ki aankh ka aansu kisi ki aankh mein hai

sab log jo hairat se tujhe dekh rahe haiñ

sar terā bahut chhoTā hai dastār baḌī hai

sab log jo hairat se tujhe dekh rahe hain

sar tera bahut chhoTa hai dastar baDi hai

ehsān kar rahā hai tirā hijr in dinoñ

maiñ in dinoñ ḳhudā ke ziyāda qarīb huuñ

ehsan kar raha hai tera hijr in dinon

main in dinon KHuda ke ziyaada qarib hun

bas ik junūn samundar meñ ġharq hone kā

nahīñ to aur nadī ke ufaan meñ kyā hai

bas ek junun samundar mein gharq hone ka

nahin to aur nadi ke ufan mein kya hai

mohabbatoñ ko kahīñ se madad nahīñ miltī

ye jang aisī hai jis meñ rasad nahīñ miltī

mohabbaton ko kahin se madad nahin milti

ye jang aisi hai jis mein rasad nahin milti

mujhe rahnā thā tirī aañkh meñ aañsū kī tarah

maiñ to nākām huuñ ai dost sitāra ban kar

mujhe rahna tha teri aankh mein aansu ki tarah

main to nakaam hun ai dost sitara ban kar

tumheñ bhī bhiiḌ meñ khonā paḌegā

tumhāre paas bhī chehra nahīñ hai

tumhein bhi bhiD mein khona paDega

tumhaare pas bhi chehra nahin hai

vo chal rahā thā ġhair ke shāne pe sar rakhe

maiñ bhī kisī ke saath usī qāfile meñ thā

wo chal raha tha ghair ke shane pe sar rakhe

main bhi kisi ke sath usi qafile mein tha