mumkin hai ashk ban ke rahūñ chashm-e-yār meñ

mumkin hai bhuul jaa.e ġham-e-rozgār meñ

mumkin hai ashk ban ke rahun chashm-e-yar mein

mumkin hai bhul jae gham-e-rozgar mein

zanjīr zulf-e-siyāh samundar nigāh-e-shoḳh

jā.ūñ kahāñ farār kā rasta koī to ho

zanjir zulf-e-siyah samundar nigah-e-shoKH

jaun kahan farar ka rasta koi to ho

har aañkh ik savāl tahī-dast ke liye

kab tak marūñgā mere ḳhudā baar baar maiñ

har aankh ek sawal tahi-dast ke liye

kab tak marunga mere KHuda bar bar main

kuchh vaqt apne saath guzārūñgā maiñ 'zamīr'

ḳhud se agar milā jo kabhī kū-e-yār meñ

kuchh waqt apne sath guzarunga main 'zamir'

KHud se agar mila jo kabhi ku-e-yar mein

kis se karūñ maiñ apnī tabāhī kā ab gila

ḳhud hī kamāñ-ba-dast huuñ ḳhud hī shikār maiñ

kis se karun main apni tabahi ka ab gila

KHud hi kaman-ba-dast hun KHud hi shikar main

muddat huī hai dast-o-garebāñ hue hameñ

ummīd nā-umīdī ḳhudā rozgār meñ

muddat hui hai dast-o-gareban hue hamein

ummid na-umidi KHuda rozgar mein