qātil to siina taan ke chalte rahe yahāñ

jo be-gunah the un se havālāt bhar ga.e

qatil to sina tan ke chalte rahe yahan

jo be-gunah the un se hawalat bhar gae

jab maiñ kachchā phal thā to mahfūz thā maiñ

ab jo pakā to mujh pe nishāna lagtā hai

jab main kachcha phal tha to mahfuz tha main

ab jo paka to mujh pe nishana lagta hai

vaqt kī mahrūmiyoñ ne chhīn lī merī zabān

varna ik muddat talak maiñ lā-javāboñ meñ rahā

waqt ki mahrumiyon ne chhin li meri zaban

warna ek muddat talak main la-jawabon mein raha

pūchhe jo zindagī kī haqīqat koī 'jamāl'

to chuTkiyoñ meñ ret uḌā kar use dikhā

puchhe jo zindagi ki haqiqat koi 'jamal'

to chuTkiyon mein ret uDa kar use dikha

baunā thā vo zarūr magar is ke bāvajūd

kirdār ke lihāz se qad kā buland thā

bauna tha wo zarur magar is ke bawajud

kirdar ke lihaz se qad ka buland tha