baat jab hai ki har ik phuul ko yaksāñ samjho

sab kā āmeza vahī aab vahī gil bhī vahī

baat jab hai ki har ek phul ko yaksan samjho

sab ka aameza wahi aab wahi gil bhi wahi

dil kī zaḳhmoñ ko kiyā kartā hai taaza har-dam

phir sitam ye hai ki rone bhī nahīñ detā hai

dil ki zaKHmon ko kiya karta hai taza har-dam

phir sitam ye hai ki rone bhi nahin deta hai

ḳhūn-e-jigar āñkhoñ se bahāyā ġham kā sahrā paar kiyā

terī tamannā kī kyā ham ne jīvan ko āzār kiyā

KHun-e-jigar aankhon se bahaya gham ka sahra par kiya

teri tamanna ki kya hum ne jiwan ko aazar kiya