dekheñ qarīb se bhī to achchhā dikhā.ī de

ik aadmī to shahr meñ aisā dikhā.ī de

dekhen qarib se bhi to achchha dikhai de

ek aadmi to shahr mein aisa dikhai de

falak ne bhī na Thikānā kahīñ diyā ham ko

makāñ kī niiv zamīñ se haTā ke rakkhī thī

falak ne bhi na Thikana kahin diya hum ko

makan ki niw zamin se haTa ke rakkhi thi

nahīñ mālūm āḳhir kis ne kis ko thaam rakkhā hai

vo mujh meñ gum hai aur mere dar o dīvār gum us meñ

nahin malum aaKHir kis ne kis ko tham rakkha hai

wo mujh mein gum hai aur mere dar o diwar gum us mein

shāyad ab tak mujh meñ koī ghoñsla ābād hai

ghar meñ ye chiḌiyoñ kī chahkāreñ kahāñ se aa ga.iiñ

shayad ab tak mujh mein koi ghonsla aabaad hai

ghar mein ye chiDiyon ki chahkaren kahan se aa gain

zehnoñ kī kahīñ jañg kahīñ zaat kā Takrāv

in sab kā sabab ek mafādāt kā Takrāv

zehnon ki kahin jang kahin zat ka Takraw

in sab ka sabab ek mafadat ka Takraw

bhūkī bheḌ hai jism meñ bas siipī bhar ḳhuun

charvāhe ko duudh de yā tājir ko uun

bhuki bheD hai jism mein bas sipi bhar KHun

charwahe ko dudh de ya tajir ko un

hare-bhare kuchh dhyān the aur na thā kuchh paas

pāñv-tale se khīñch lī kis ne ThanDī ghaas

hare-bhare kuchh dhyan the aur na tha kuchh pas

panw-tale se khinch li kis ne ThanDi ghas

man sahrā hai pyaas kā tan zaḳhmoñ kī sej

saarī dhartī karbalā maulā paanī bhej

man sahra hai pyas ka tan zaKHmon ki sej

sari dharti karbala maula pani bhej

parbat ho to pheñk duuñ kisī tarah ai jaan

kyā chhātī pe hai dharā ḳhud maiñ hī anjān

parbat ho to phenk dun kisi tarah ai jaan

kya chhati pe hai dhara KHud main hi anjaan

sakhī-rī jab ye Thaan lī jaanā hai sājan dvaar

kyā sāñsoñ kī beḌiyāñ kyā tan kī talvār

sakhi-ri jab ye Than li jaana hai sajan dwar

kya sanson ki beDiyan kya tan ki talwar