ظفر تابش کی شاعری

ظفر تابش کے اشعار

جب بھی جھک کر ملتا ہوں میں لوگوں سے

ہو جاتا ہوں اپنے قد سے اونچا میں

نہ کہو تم بھی کچھ نہ ہم بولیں

آؤ خاموشیوں کے لب کھولیں

بظاہر یوں تو میں سمٹا ہوا ہوں

اگر سوچو تو پھر بکھرا ہوا ہوں

کیا جانے کیوں جلتی ہے

صدیوں سے بچاری دھوپ

صرف ظفر تابشؔ ہیں ہم

غالبؔ میرؔ نہ حالیؔ ہیں

بستی بستی جنگل جنگل گھوما میں

لیکن اپنے گھر میں آ کر سویا میں

منظر سے لا منظر تک

آنکھیں خالی خالی ہیں

سو رہے تھے شہر بھی جنگل بھی جب

رو رہا تھا نیلا امبر ٹوٹ کر