āḳhirī baar mulāqāt to kar lī hai magar

silsila apnī mohabbat kā kahāñ āḳhirī hai

aaKHiri bar mulaqat to kar li hai magar

silsila apni mohabbat ka kahan aaKHiri hai

maiñ apne aap meñ taqsīm hone lagtā huuñ

use kaho ki mire sāmne na aayā kare

main apne aap mein taqsim hone lagta hun

use kaho ki mere samne na aaya kare

maiñ roz daana nahīñ Dāltā parindoñ ko

ki bhuul jā.ūñ to vo chhat pe baiThe rahte haiñ

main roz dana nahin Dalta parindon ko

ki bhul jaun to wo chhat pe baiThe rahte hain

puurī ho jaatī agar koī kahānī hotī

ye mohabbat hai miyāñ is meñ kasak rahtī hai

puri ho jati agar koi kahani hoti

ye mohabbat hai miyan is mein kasak rahti hai

rahtā huuñ maiñ jitnā saath sab ke

lagtā hai akelā ho gayā huuñ

rahta hun main jitna sath sab ke

lagta hai akela ho gaya hun