kahīñ kahīñ se jo kapḌoñ meñ bhī nahīñ Dhaltā

maiñ us badan ko bhī she'roñ meñ Dhaal letā huuñ

kahin kahin se jo kapDon mein bhi nahin Dhalta

main us badan ko bhi she'ron mein Dhaal leta hun

bhejī tasvīr bhī to āñkhoñ kī

yā'nī āñkheñ dikhā rahī ho mujhe

bheji taswir bhi to aankhon ki

ya'ni aankhen dikha rahi ho mujhe

du'ā hai ye raqīb bhī mirī tarah hī ḳhvār ho

maiñ chāhtā huuñ aap kī raqīb se banī rahe

du'a hai ye raqib bhi meri tarah hi KHwar ho

main chahta hun aap ki raqib se bani rahe

rail kī paTrī pe bhī leTe haiñ log

yā'nī paTrī se utar jaate haiñ log

rail ki paTri pe bhi leTe hain log

ya'ni paTri se utar jate hain log

vo thak ga.ī thī bhiiḌ meñ chalte hue 'zahūr'

us ke badan pe an-ginat āñkhoñ kā bojh thā

wo thak gai thi bhiD mein chalte hue 'zahur'

us ke badan pe an-ginat aankhon ka bojh tha