vo thak ga.ī thī bhiiḌ meñ chalte hue 'zahūr'

us ke badan pe an-ginat āñkhoñ kā bojh thā

wo thak gai thi bhiD mein chalte hue 'zahur'

us ke badan pe an-ginat aankhon ka bojh tha

bhejī tasvīr bhī to āñkhoñ kī

yā'nī āñkheñ dikhā rahī ho mujhe

bheji taswir bhi to aankhon ki

ya'ni aankhen dikha rahi ho mujhe

fikr-e-tajdīd-e-hijr hai varna

kab mujhe vasl kī zarūrat hai

fikr-e-tajdid-e-hijr hai warna

kab mujhe wasl ki zarurat hai

is qadar qahqahe haiñ duniyā meñ

sharm aatī hai mujh ko rote hue

is qadar qahqahe hain duniya mein

sharm aati hai mujh ko rote hue

maiñ badaltā huuñ roz apnā hadaf

ye mirī mustaqil-mizājī hai

main badalta hun roz apna hadaf

ye meri mustaqil-mizaji hai