ḳhudā kā shukr ki chhoTī sī hai ḳhudā kī zamīñ

ḳhudā kā shukr ki tum bhī isī zamīn pe ho

KHuda ka shukr ki chhoTi si hai KHuda ki zamin

KHuda ka shukr ki tum bhi isi zamin pe ho

bhejī tasvīr bhī to āñkhoñ kī

yā'nī āñkheñ dikhā rahī ho mujhe

bheji taswir bhi to aankhon ki

ya'ni aankhen dikha rahi ho mujhe

fikr-e-tajdīd-e-hijr hai varna

kab mujhe vasl kī zarūrat hai

fikr-e-tajdid-e-hijr hai warna

kab mujhe wasl ki zarurat hai

is qadar qahqahe haiñ duniyā meñ

sharm aatī hai mujh ko rote hue

is qadar qahqahe hain duniya mein

sharm aati hai mujh ko rote hue

ye to insāniyat ko Thokar hai

aadmī aadmī kā naukar hai

ye to insaniyat ko Thokar hai

aadmi aadmi ka naukar hai

du'ā hai ye raqīb bhī mirī tarah hī ḳhvār ho

maiñ chāhtā huuñ aap kī raqīb se banī rahe

du'a hai ye raqib bhi meri tarah hi KHwar ho

main chahta hun aap ki raqib se bani rahe

maiñ badaltā huuñ roz apnā hadaf

ye mirī mustaqil-mizājī hai

main badalta hun roz apna hadaf

ye meri mustaqil-mizaji hai

rail kī paTrī pe bhī leTe haiñ log

yā'nī paTrī se utar jaate haiñ log

rail ki paTri pe bhi leTe hain log

ya'ni paTri se utar jate hain log

tamām shahr meñ bārish kī dhaak baiTh ga.ī

jo uḌ rahī thī havāoñ meñ ḳhaak baiTh ga.ī

tamam shahr mein barish ki dhak baiTh gai

jo uD rahi thi hawaon mein KHak baiTh gai

gaaḌī meñ bhī ghar ko soche jaatā huuñ

gaaḌī aage aur maiñ pīchhe jaatā huuñ

gaDi mein bhi ghar ko soche jata hun

gaDi aage aur main pichhe jata hun

vo thak ga.ī thī bhiiḌ meñ chalte hue 'zahūr'

us ke badan pe an-ginat āñkhoñ kā bojh thā

wo thak gai thi bhiD mein chalte hue 'zahur'

us ke badan pe an-ginat aankhon ka bojh tha

jamāliyāt kī shah-surḳhiyāñ bhī paḌh lenā

kitāb-e-sīna-e-doshīzgāñ bhī paḌh lenā

jamaliyat ki shah-surKHiyan bhi paDh lena

kitab-e-sina-e-doshizgan bhi paDh lena

dard kā ehsās rakkhā hai faqat insān meñ

haif dīmak jī rahī hai 'mīr' ke dīvān meñ

dard ka ehsas rakkha hai faqat insan mein

haif dimak ji rahi hai 'mir' ke diwan mein

koī bhī hal nahīñ udāsī kā

mujh se kamre ne bārhā pūchhā

koi bhi hal nahin udasi ka

mujh se kamre ne barha puchha

hama bayāz the har samt qurmuzī 'āriz

maiñ kaise sā’ad-e-sīmīñ pe dastaḳhat kartā

hama bayaz the har samt qurmuzi 'ariz

main kaise sa’ad-e-simin pe dastaKHat karta

kahīñ kahīñ se jo kapḌoñ meñ bhī nahīñ Dhaltā

maiñ us badan ko bhī she'roñ meñ Dhaal letā huuñ

kahin kahin se jo kapDon mein bhi nahin Dhalta

main us badan ko bhi she'ron mein Dhaal leta hun

un ke naqsh-e-qadam pe chalnā hai

vo jo manzil pe sar ke bal pahuñche

un ke naqsh-e-qadam pe chalna hai

wo jo manzil pe sar ke bal pahunche

jiinā hai gar to zaḳhm lagā apne aap ko

bachne ko āñdhiy.oñ se tū ḳheme meñ chhed kar

jina hai gar to zaKHm laga apne aap ko

bachne ko aandhiyon se tu KHeme mein chhed kar