ilm meñ jhīñgur se baḌh kar kāmrāñ koī nahīñ

chaaT jaatā hai kitābeñ imtihāñ koī nahīñ

ilm mein jhingur se baDh kar kaamran koi nahin

chaT jata hai kitaben imtihan koi nahin

chaa.e meñ Daal kar ushshāq use pī jaate

dar-haqīqat lab-e-ma.ashūq jo shakkar hotā

chae mein Dal kar ushshaq use pi jate

dar-haqiqat lab-e-mashuq jo shakkar hota

vahshat meñ har ik naqsha ulTā nazar aatā hai

majnūñ nazar aatī hai lailā nazar aatā hai

wahshat mein har ek naqsha ulTa nazar aata hai

majnun nazar aati hai laila nazar aata hai

hameñ batlā na deñ āshiq jo haiñ rū-e-kitābī par

sabaq hai kyā koī ma.ashūq jis ko yaad karte haiñ

hamein batla na den aashiq jo hain ru-e-kitabi par

sabaq hai kya koi mashuq jis ko yaad karte hain

'zarīf' ab fā.eda kyā shā.iroñ ko sardī khāne se

ġhazal ham paḌh chuke ghar jaa.eñ kyuuñ be-kār baiThe haiñ

'zarif' ab faeda kya shairon ko sardi khane se

ghazal hum paDh chuke ghar jaen kyun be-kar baiThe hain